Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Botë e Çuditshme Tech

Ju zbulojmë 5 vendet më të pabesueshme në Sistemin Diellor!

A e keni menduar ndonjëherë se cilët janë peizazhet më të pabesueshëm në Sistemin Diellor? David Rothery, profesor universitar i gjeologjisë planetare, ilustron në një artikull në “The Conversation” pesë vendet, sipas mendimit të tij, më spektakolarët jashtë planetit tonë. Kanione të thella, dete magjike, kratere gjigante. Një përzgjedhje e vendeve të mrekullueshme në Sistemin Diellor.

1.Marsi

Quhet Valles Marineris dhe është një kanion i madh, 3000 kilometra i gjatë, qindra kilometra i gjerë dhe deri në 8000 metra i thellë. Rothery shpjegon se:

Nëse dikush do të kishte fatin të ishte në njërën anë të kanionit, ai nuk do të ishte në gjendje të shihte anën tjetër, sepse do të ishte përtej horizontit.

Kanioni ndoshta u formua si rezultat i thyerjeve tektonike, por mund të jetë bërë kaq i thellë dhe i gjerë për shkak të erozionit të përmbytjeve të forta që ndodhën mbi tre miliardë vjet më parë (kur, me sa duket, kishte ujë të lëngshëm në Planetin e Kuq).

2.Mërkuri

Baseni Caloris është një vrimë e madhe në sipërfaqen e Mërkurit. Krateri mbresëlënës, diametri i të cilit është 1550 kilometra, u formua pas goditjes së një asteroidi 3.5 miliardë vjet më parë, dhe u mbulua menjëherë me lavë. Në pamje duket si një fushë e madhe e zjarrtë (emri latin Caloris Planitia, do të thotë fushë e nxehtësisë), ku temperaturat i kalojnë 400°C. Krateri është i rrethuar nga malet Caloris, të cilat arrijnë dy mijë metra lartësi. Mërkuri është një planet i vogël plot kratere, por asnjëri nuk është aq spektakolar sa Caloris.

3.Venusi

Për ngjashmërinë e jashtëzakonshme me një peizazh tokësor, Rothery thekson “Ovda Regio”, një strukturë gjeologjike që kujton disa vargmale të pranishëm në planetin tonë, siç janë malet Appalachian, të formuara pas përplasjes së dy kontinenteve dhe me një strukturë të veçantë.

4.Miranda, Urani

Përcaktuar nga NASA si “shkëmbi më i lartë në sistemin diellor”, Verona Rupes është një gropë shtatë mijë metra e lartë e vendosur në Miranda, hëna e vogël e Uranit. Duke pasur parasysh gravitetin e ulët dhe mungesën e atmosferës, nëse një person bie nga lart, do të duheshin 12 minuta për të arritur në fund në Tokë. Një parashutist në rënie të lirë mbulon të njëjtën distancë në rreth dyzet sekonda. Duhet thënë gjithashtu se, me sa dimë (ne kemi vetëm një imazh të kapur nga sonda Voyager 2 në 1986), pjerrësia e skarpatit duket të jetë vetëm 45 gradë. Rothery shprehet:

Nëse dikush bie në të, unë dyshoj se do të rrëshqasë.

Duke pasur parasysh temperaturën e ditës të Mirandës (-170°C), toka do të ishte e ngrirë dhe aspak e rrëshqitshme.

5.Titani

Për të përfunduar, Rothery zgjedh një peizazh “magjik”, që është Ligeia Mare, një gropë e madhe e mbushur me metan të lëngshëm në Titan, më i madhi nga hënat e Saturnit. Me një sipërfaqe prej 126,000 kilometra katrorë, Ligeia Mare është e krahasueshme në shtrirje me Detin Adriatik. Në mes të këtij deti është “ishulli që nuk ekziston”, i quajtur kështu sepse shfaqet dhe zhduket, siç dëshmohet nga imazhet e kapura nga sonda Cassini.