Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Celebrities Design Gossip

Ka 4 vite që ka dalë në shitje, askush nuk e do këtë shtëpi të Jennifer Lopez!

Ndërsa Jennifer Lopez është e zënë duke kërkuar në Kaliforni për një shtëpi të përshtatshme për të jetuar me partnerin e saj Ben Affleck, ajo ende ka probleme me shtëpinë e saj në Manhattan, e cila është në shitje prej gati katër vitesh. Lopez e nxori në shitje pronën për herë të parë në tetor të vitit 2017 për 26.95 milionë dollarë, tre vjet pasi e bleu apartamentin për 20.16 milionë dollarë.

Sipas një burimi të brendshëm, Lopez vendosi ta shiste shtëpinë, pasi kuptoi se nuk ishte një vend privat për të jetuar. Por në vitin 2019, duke mos pasur asnjë ofertë për blerje, shtëpia pati një ulje çmimi dhe shkoi në 1.96 milionë dollarë. Megjithatë, sërish nuk ishte e mjaftueshme për të tërhequr një blerës dhe shtëpia mbetet në shitje ende sot.

E përbërë nga katër dhoma gjumi dhe 11 tualete, apartamenti është përshkruar si “kurorë e çmuar e The Whitman Mansion”. Me mbi 603 metra katrorë hapësirë të brendshme dhe 279 metra katrorë hapësirë të jashtme, shtëpia luksoze ka katër tarraca të shpërndara në dy kate, me pamje nga Madison Square Park.

Një ashensor privat të çon në shtëpi dhe hapet në dhomën e madhe me një dritare dhe tre dyer franceze që çojnë në një nga tarracat. Kuzhina vjen me një zonë ngrënieje të kompletuar, rafte të hapura dhe dollapë të personalizuar. Në të njëjtin kat ka një dhomë gjumi private me tre dhoma të tjera gjumi dhe tualete brenda në suitë, një dhomë stafi me një tualet dhe një dhomë lavanderie. Në katin e dytë të apartamentit është dhoma kryesore gjumit me dy tualete dhe dy tarraca në natyrë, një pranë tualetit dhe një afër dhomës së gjumit. Arsyeja pse nuk po shitet ende? Nuk e dimë, por me shumë mundësi problemi i vetëm është privatësia.

Rikujtojmë se, Ben Affleck është parë në dyqanin Tiffany & Co në Los Angeles ditën e premte, teksa po shihte disa unaza fejese, duke lënë të kuptohet mundësinë e propozimit për Jennifer Lopez për të dytën herë. Siç raportohet nga Page Six, 49-vjeçari mbante shënime në dyqan ndërsa iu bashkua edhe nëna e tij Chris dhe fëmijët Violet, 15, Seraphina, 12, dhe Samuel, nëntë vjeç.