Katy Perry mendohet se do të jetë mysafirja e cila do të drejtojë një episod të ‘The Ellen DeGeneres Show’. E gjitha kjo është planifikuar në ditëlindjen e saj të 37-të. ‘Headline Planet’ raporton se këngëtarja do të marrë përsipër rolin e Ellen me datë 25 tetor.
Bazuar në të ftuarit që do të shfaqen atë ditë, duket sikur episodi i ardhshëm do të përfshijë një temë të ‘American Idol’. Perry, një nga anëtaret e jurisë në ‘American Idol’, do të intervistojë kolegun e saj Luke Bryan.
Michael J. Woodard, një konkurrent i cili u shfaq në sezonin 16 të shfaqjes, gjithashtu do të performojë. Mendohet gjithashtu se shfaqja do të përfshijë një bisedë me fituesin më të ri të një konkursi. Paraqitja e Katy vjen disa muaj pasi Ellen konfirmoi se sezoni i 19-të i shfaqjes së saj, i cili filloi që në vitin 2003, do të ishte sezoni i fundit. Ajo njoftoi fundin e serialit pasi u akuzua për krijimin e një ‘mjedisi toksik’ në të kaluarën.
Rikujtojmë se këngëtarja 36-vjeçare e thirri të fejuarin e saj në skenë në Qendrën e Wallis Annenberg në Beverly Hills, pasi njoftoi se korseja e fustanit të saj madhështor ishte shumë e ngushtë, që do të thotë se fillimisht ajo nuk po mundte dot të performonte. Duke zbukuruar skenën ylli i popit dhe i hitit ‘I Kissed A Girl’ tha:
Përshëndetje! Orlando, a mund të ma heqësh korsen, është pak e ngushtë. Unë nuk mund të këndoj.
Aktori 44-vjeçar u ngrit në këmbë dhe shumë shpejt dhe u ngjit në skenë për të ndihmuar partneren e tij, e cila ishte duke pritur që ai t’ia lironte korsen.
