Ditën e hënë, këngëtarja 40-vjeçare, Christina Aguilera, postoi një shkrim të gjatë në “Twitter” duke i ofruar mbështetje Britney Spears, e cila u ve në qendër të vëmendjes mediatike javën e kaluar pas deklaratës së saj në seancë gjyqësore për t’i dhënë fund kujdestarisë nën të cilën ajo ishte për gati 13 vjet. Aguilera tha se:
Këto ditët e fundit kam menduar për Britney dhe gjithçka që ajo po kalon. Është e papranueshme që çdo grua, apo njeri, që dëshiron të ketë nën kontroll fatin e vet, të mos lejohet të jetojë jetën siç dëshiron. Të rrish e heshtur, e injoruar, të tallesh apo të të mohohet mbështetja nga ata që janë ‘të afërt’ me ty është gjëja më shkatërruese dhe përçmuese që mund të imagjinohet. Dëmi psikologjik dhe emocional i shkaktuar nuk mund të merret kurrësesi lehtë.
Ajo vazhdon:
Çdo grua duhet të ketë të drejtën për trupin e saj, sistemin e vet riprodhues, privatësinë e saj, hapësirën e saj, shërimin e saj dhe lumturinë e saj.
These past few days I’ve been thinking about Britney and everything she is going through.
It is unacceptable that any woman, or human, wanting to be in control of their own destiny might not be allowed to live life as they wish. pic.twitter.com/NRhNwcJaD3
— Christina Aguilera (@xtina) June 29, 2021
Këngëtarja e mbyll shkrimin e saj me fjalët:
Bindja dhe dëshpërimi i kësaj lutjeje për liri më bën të besoj se ky person që dikur e njihja ka jetuar pa dhembshuri ose mirësjellje nga ata që e kishin nën kontroll. Për një grua që ka punuar në kushte dhe presion të paimagjinueshëm për shumicën, ju premtoj se ajo meriton të gjithë lirinë e mundshme për të jetuar jetën e saj e lumtur.
