Celebrities Love & Sex Showbiz

Konfirmohet romanca e re e Elon Musk me të dashurën 23 vite më të re!

Pas ndarjes me Grimes, miliarderi Elon Musk duket se ka gjetur ‘ngushëllim’ tjetërkund. Tashmë Musk ka krijuar një marrëdhënie të re romantike me aktoren 27-vjeçare australiane Natasha Bassett. Megjithatë në rrjet kudo po aludohet se Bassett mund të ketë më shumë interes për paratë e tij.

Vetë aktorja është përgjigjur duke thënë se nuk ka rënë në dashuri me llogarinë e tij bankare, por me atë mendore të Elon Musk. Së fundmi, Musk është parë me Natasha-n duke shijuar një drekë të qetë në parajsën e miliarderëve në St.Tropez, Francë. Dyshja u pa teksa po drekonin në një hotel ku dhomat kushtojnë mbi 1300 dollarë një natë.

Miliarderi 50-vjeçar dhe 27-vjeçarja besohet se kanë filluar që të takohen në shkurt të këtij viti, kur u panë duke zbritur nga avioni privat i Musk në Los Angeles. Kujtojmë që CEO i Tesla dhe themeluesi i Space X u nda nga këngëtarja Grimes në shtator të vitit të kaluar, pas tre vitesh lidhjeje dhe dy muaj para se të kishin fëmijën e tyre të dytë së bashku.

Ndërkaq, sjellim në vëmendje se njeriu më i pasur në botë, së fundmi ka bërë një postim në rrjetin e tij social Twitter nga ku ka folur në lidhje me pjesën se miliarderët nuk janë njerëz të këqinj. Musk shkroi në Twitter se është moralisht e gabuar të përdorësh fjalën miliarder si poshtëruese nëse ai person po përdor pasurinë e tij për të krijuar produkte që bëjnë miliona njerëz të lumtur.

Rikujtojmë se numërimi mbrapsht në gjyqin e Johnny Depp kundër Amber Heard ka filluar. Në skenë ka dalë edhe Elon Musk. Biznesmeni i njohur ka thyer heshtjen dhe më në fund ka reaguar në lidhje me gjyqin e Johnny dhe Amber. Musk, dikur ishte partneri i Amber Heard dhe vendosi të mos merrte pjesë në gjyqin e gjatë mes dy aktorëve, pavarësisht se emri i tij figuronte në të.