Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Tech

Kur do të mund ta popullojmë Marsin? Elon Musk zbulon detajet

Së fundmi Elon Musk deklaroi përmes Twitterit se ne duhet të jetojmë në kupola xhami përpara se të kolonizojmë planetin e Marsit.

Thënë ndryshe, Musk dëshiron të realizojë ëndrrën e tij për t’i bërë njerëzit një lloj “specie” multiplanetare dhe ndërtimin e kolonisë së parë në Mars deri në vitin 2050.

Në mënyrë që Planeti i Kuq të jetë i përshtatshëm për jetën, miliarderi më parë propozoi teraformimin e Marsit me një goditje bërthamore në dy kapakët e tij polare të akullt.

Por tani që e kuptoi se një plan i tillë do të kërkonte pothuajse të gjithë stokun botëror të kokave bërthamore, Musk pranoi një qasje pak më të arsyeshme ndaj kolonizimit.

“Terraformimi do të jetë shumë i ngadalshëm dhe ne mund të mos e përjetojmë atë, megjithatë ne mund të ndërtojmë një bazë njerëzore në Mars. Të paktën qytetërimi i ardhshëm hapësinor, kur të zbulojë mbetjet e tij, do të jetë i impresionuar që kemi arritur deri këtu”, tha ai.

Por, shkenca nuk është në anën e biznesmenit Musk. Studimet kanë treguar se thjesht nuk ka mjaft gaz dioksid karboni në Mars për të krijuar një atmosferë që mund të mbështesë jetën në sipërfaqe.

Megjithatë, Elon nuk po heq dorë nga plani i tij, kështu që SpaceX aktualisht po zhvillon gjeneratën e re të raketave.

Është një anije kozmike e quajtur Starship, e cila është projektuar për të transportuar 150 tonë ose 100 njerëz në orbitë, në mënyrë që të mund të furnizohet me karburant në hapësirë.

Musk tha se “një nga misionet e para të kolonizimit në Mars do të mbante pajisje për të ndërtuar një stacion karburanti sipërfaqësor dhe Starship do të ishte më pas baza”.

Ai zbuloi se ekuipazhet e para me një ekuipazh mund të fillonin që në vitin 2026.