Ka situata familjare kaq unike saqë ia vlen të përfshihen në një telenovelë. Ashtu ishte fëmijëria e Liv-it, aktores e cila qysh në moshë të vogël nxori në pah aftësitë e saj detektive dhe zbuloi se babai i saj nuk ishte askush tjetër veçse një muzikant legjendar i grupit rock. Liv Tyler ka lindur fillimisht si Liv Rundgren. Tashmë aktorja është vajza e Bebe Buell, modele dhe këngëtare që shkëlqeu për talentin e saj në vitet 70-të. Gjatë këtyre viteve, Bebe pati një lidhje me Todd Rundgren, një anëtar i grupit Utopia.
Por marrëdhënia e tyre nuk ishte shumë e qëndrueshme, kështu që në vitin 1976, Bebe u takua me Steven Tyler, vokalistin legjendar të Aerosmith dhe ata patën një romancë të shkurtër. Me kalimin e kohës dhe megjithëse i kishin dhënë fund lidhjes, Todd vendosi të merrte rolin e babait dhe t’i jepte mbiemrin e tij Liv. Që atëherë, ai u angazhua për të qenë një baba shembullor dhe e mbajti premtimin. Bebe tha në një intervistë se ajo dhe Todd bënë një marrëveshje, ai do të ishte përgjegjës për të qenë figura e babait të vajzës së tij dhe nëse ajo dyshonte për ndonjë gjë, do t’i tregonin të vërtetën kur vajza të mbushte 18-vjeçe.
Si e rritur, Liv reflektoi për këtë dhe tha se ajo është shumë mirënjohëse ndaj Todit që vendosi të jetë një figurë babai për të. Është një përgjegjësi e madhe për një burrë të thotë: “E di që ky fëmijë mund të mos jetë i imi, por unë dua të jem babai i saj gjithsesi.”
Zbulimi i lidhjes së saj me Steven Tyler. Instinkti i Livit e bëri atë të zbulonte të vërtetën në moshën 8-vjeçare. Pikërisht në një koncert të këngëtares së njohur aktorja vuri re diçka dhe mendja e saj filloi të pyeste: Mia Tyler, vajza e dytë e Steven, ishte aty dhe ishte identike me të. “Po shikoja binjaken time”-tha Liv.
Kur takoi babanë e saj të vërtetë, ajo shpjegon se ndjeu një lidhje shumë të thellë. Pas atij koncerti, ajo vendosi të pyeste nënën e saj dhe konfirmoi dyshimet e saj. Arsyeja që ajo e kishte mbajtur atë larg nga ai ishte sepse Bebe nuk besonte se Steven do të ishte një prani e qëndrueshme në jetën e vajzës së saj të vogël. Nga rrëfimi, Steven vendosi të krijonte një marrëdhënie me vajzën e tij. Ndërsa filluan të kalonin kohë së bashku, ndodhi gjëja më befasuese, Liv vuri re se ata ishin si një pasqyrim i njëri-tjetrit, edhe pse ajo nuk ishte rritur pranë babait të saj.
Në një intervistë, aktorja tha:
Kur kuptova se Steven ishte babai im, ishte një moment me rëndësi të madhe.
Me kalimin e kohës, marrëdhënia e tyre u bë aq e fortë sa, në vitin 1991, aktorja vendosi të merrte mbiemrin e babait të saj dhe të bëhej Liv Tyler. Ajo madje u shfaq në videoklipin e këngës “Crazy” nga Aerosmith. Dashuria e saj për të atin adoptues nuk ndryshoi.
Lidhja e saj me Steven nuk nënkuptonte një ndryshim në dashurinë dhe vlerësimin që ajo ndjente për babin që e rriti, Todin. Në një intervistë Liv tha se ajo ndihej shumë mirënjohëse për Todd dhe se kur ai e përqafon ndjehet sikur është babai i saj. Padyshim, Liv Tyler ka pasur fatin të ketë dy baballarë që i dhanë asaj gjithë dashurinë dhe mbështetjen që një fëmijë mund të dëshironte.
