Jo të gjithë janë entuziastë për Inteligjencën Artificiale. Sipas këshilltarit të kryeministrit britanik, Rishi Sunak për teknologjinë, Matt Clifford, “Inteligjenca Artificiale (IA) mund të ketë aftësinë për të vrarë shumë njerëz në vetëm dy vjet”. Clifford deklaroi:
Nëse prodhuesit e Inteligjencës Artificiale nuk rregullohen në një shkallë globale, atëherë mund të ketë sisteme shumë të fuqishme që njerëzit mund të luftojnë për t’i kontrolluar.
Edhe rreziqet afatshkurtra janë shumë të frikshme, pasi IA-ja ka potencialin për të krijuar armë kibernetike e biologjike e që mund të shkaktojnë shumë vdekje.
Deklarata e zyrtarit të Londrës erdhi pasi një letër e mbështetur nga dhjetëra ekspertë, përfshirë pionierë të Inteligjencës Artificiale u botua javën e kaluar, duke paralajmëruar se rreziqet e teknologjisë duhet të trajtohen me të njëjtën urgjencë si dhe pandemitë ose lufta bërthamore.
Drejtuesit kryesorë në kompani si “Google”, “DeepMind” e “Anthropic” nënshkruan letrën së bashku me të ashtuquajturin “Kumbari i IA-së”, Geoffrey Hinton, i cili dha dorëheqjen nga puna e tij në “Google” në fillim të këtij muaji, duke thënë se IA-ja mund të përdoret për të dëmtuar njerëzit dhe për të shënuar fundin e njerëzimit.
Clifford po këshillon kryeministrin e Britanisë së Madhe, Rishi Sunak për zhvillimin e një Task Force Model të Fondacionit të qeverisë britanike, që po shqyrton modelet e gjuhëve të IA-së si ChatGPT e “Google Bard”. Po ashtu është kryetar i Agjencisë së Avancuar të Kërkimeve dhe Shpikjeve (Aria).
Matt Clifford paralajmëroi:
Unë mendoj se ka shumë lloje të ndryshme të rreziqeve përmes IA-së dhe shpesh në industri ne flasim për rreziqe afatshkurtra e afatgjata. Rreziqet afatshkurtra janë në të vërtetë shumë të frikshme. Ju mund të përdorni sot IA-në për të krijuar receta të reja për armë bio ose për të nisur sulme kibernetike në shkallë të gjerë.
