Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Celebrities Design Gossip

Meghan Markle nesër feston ditëlindjen, jeni kurioz të dini për dhuratën e Princ Harry-t?!

Colin Cowie, i cili ishte planifikuesi kryesor i dasmave në “Vogue” në vitin 2018, thuhet se u rekomandua nga moderatorja e njohur Oprah Winfrey si arredues dhe organizues për ditëlindjen e Meghan Markle e cila është ditën e nesërme. Ai ka organizuar festa për disa personazhe të johur si Tom Cruise dhe Kim Kardashian. Sidoqoftë, ditëlindja e Dukeshës së Sussex-it do të jetë diçka private. Një burim i tha “The Mirror” se:

Meghan dëshiron një mbledhje të vogël. Rreth 65 persona janë të ftuar, miqtë dhe familja e saj më e ngushtë.

Thuhet se festimet do të mbahen në mjediset e rezidencës së Meghan në Kaliforni, pas rregullave të COVID-19 pasi shteti lehtësoi shumicën e masave të tij gati dy muaj më parë. Besohet gjithashtu se bashkëshorti i saj,Princi Harry ka porositur një tortë ditëlindjeje nga “Posies & Sugar”, e cila ndodhet në Santa Barbara aty pranë.

Së fundmi mediat e huaja kanë raportuar se Meghan mund të kandidojë për presidente në SHBA. Në një nga rubrikat e tij, gazetari Tom Bower, ka deklaruar gjithashtu se beson se hapat e ardhshëm të ish-aktores janë të pushtojnë SHBA-të dhe më pas botën. Gjithashtu sipas tij, Meghan ka nisur të promovojë ambiciet e saj politike përmes një miqësie me nënkryetaren amerikane, Kamela Harris Obamas.

Rikujtojmë, gjithashtu se mediat britanike kanë raportuar se vajza e Princ Harry dhe Meghan, Lilibet Diana, është tashmë e teta në radhë për fronin mbretëror. Lajmi u konfirmua edhe nga faqja “Royal UK”,  që përfaqëson familjen mbretërore, e cila e zbuloi se vajza Lili qëndron tashmë një vend pas vëllait të saj, Archie dhe 2 vende pas babait, Princit Harry, për të zënë vendin në fron.

Ndërkaq, kanali amerikan “Lifetime” ka publikuar së fundmi trailerin e parë për filmin “Escaping the Palace”, një film që do të portetizojë Meghan Markle dhe princin Harry si personazhe kryesore dhe do të përfshijë të gjithë anëtarët e familjes mbretërore. Nga videoja e shkurtër, filmi duket se do të paraqesë një portetizim dramatik të daljes së Dukës dhe Dukeshës së Sussex nga familja mbretërore.