Bota

Mos i injoroni! Këto janë pesë simptomat e COVID-19 te njerëzit që kanë marrë dy dozat e vaksinës!

Njerëzit e vaksinuar me dy doza janë paralajmëruar që të kenë kujdes për pesë simptoma që mund të tregojnë se janë infektuar me COVID. Hulumtimi i fundit ka treguar se kushdo që kap variantin Delta pavarësisht se ka pasur marrë dy dozat e vaksinës ka shumë gjasa të zhvillojë simptoma. Duke u bazuar në gjetjet e tyre ekspertët po paralajmërojnë njerëzit të mos mendojnë se janë imunë nga infeksioni.

Njerëzve të vaksinuar u është thënë se virusi mund të shkaktojë simptoma të ndryshme. Aplikacioni ZOE Covid, i cili po ndjek shpërthimin, ka gjetur se simptomat më të zakonshme që raportohen nga ata që janë infektuar me COVID kohët e fundit, janë sekrecionet e hundës, dhimbje koke, humbje e nuhatjes, teshtitje dhe dhimbje të fytit.

Studimi i Universitetit të Oksfordit në rreth 700,000 njerëz ka zbuluar se gjysma e tyre që u infektuan, raportuan se kishin simptoma. Profesori Tim Spector, studiuesi kryesor për ZOE ka paralajmëruar gjithashtu se të dhënat tregojnë se vaksinat mund të bëhen më pak efektive me kalimin e kohës.

Kjo do të thotë që njerëzit e moshuar dhe më të prekshëm të cilët ka të ngjarë të kenë marrë dozat e vaksinës në fillim të vitit, mund të kenë më shumë gjasa të sëmuren. Përditësimi i fundit nga aplikacioni tregoi se aktualisht ka 13,604 raste të reja simptomatike ditore në njerëzit plotësisht të vaksinuar në Mbretërinë e Bashkuar, një rritje e lehtë në javën e kaluar pas disa javësh ulje. Spector u shpreh se:

Ndërsa vaksinat kanë ndihmuar në zvogëlimin e ashpërsisë së sëmundjes, rritjet e rasteve kohëte fundit na bëjnë të besojmë se mbrojtja e ofruar nga vaksinat po zbehet që do të thotë se edhe njerëzit e vaksinuar plotësisht me të dyja dozat mund të infektohen në të ardhmen.

Rikujtojmë, se rregullatori i barnave në Indi ka miratuar vaksinën e parë të ADN-së në botë kundër COVID-19 për përdorim urgjent. Sipas studimeve dhe testimeve të kryera nga prodhuesi i vaksinave “Cadila Healthcare”, vaksina me tre doza ZyCoV-D parandaloi sëmundjen simptomatike në 66% të atyre që u vaksinuan.