Diva e muzikës pop, Dua Lipa ndodhet në Itali për turin e saj “Future Nostalgia” dhe mes personave që e shoqërojnë është edhe drejtori i markës së Valentinto, Yigit Turhan. ‘Daily Mail’ ka hedhur dyshimet se dyshja mund të jenë më shumë se thjesht miq dhe i ka fotografuar ata bashkë në Portofino.
Dua dhe Yigit shfaqen duke bërë selfie të dy bashkë dhe duken shumë të afërt megjithatë asgjë nuk është ende konkrete nëse kemi një lidhje të re dashurie apo thjesht miqësi. Kujtojmë që Dua vetëm pak kohë më parë u nda nga i dashuri i saj Anwar Hadid dhe së fundmi bukuroshja dha një intervistë ku dhe foli rreth ndarjes nga modeli. 26-vjeçarja theksoi se tani është e përqendruar tek vetja.
Kapitulli i ardhshëm i jetës time është të jem vetëm sepse kështu jam mirë. Disa njerëz do thonë: “Ua Dua shkoi në darkë e vetme”. Por nuk më intereson, këtë e bëj çdo herë. Mendoj se është gjë e mirë edhe për ju ta bëni. Duhet të jeni të sigurt në veten tuaj. Kjo periudhë ishte e vështirë për mua, isha nervoze, tani jam në fazën që dua të di se si mund të jem unë me veten time. Definitivisht jam rritur.
Vlen të përmendim se 26-vjeçarja ka shprehur para disa ditësh mbështetjen për klubin e futbollit të Liverpulit, duke thënë se ai mban një vend të vecantë në zemrën e saj. Kjo vlente për klubin, megjithatë rrjeti po zien së fundmi nga fjalët se diva e muzikës pop mund të jetë në një lidhje me futbollistin Trent Alexander Arnold.
Këngën “One kiss” të Dua-s, tifozët e kanë kënduar para dhe pas çdo ndeshje dhe në çdo festim. Edhe vetë Arnold ka publikuar një video nga festimet në Instagram ku shfaqet duke kënduar këngën e bukuroshes.
