Që pas komenteve fyese të reperit DaBaby në adresë të homoseksualëve dhe të infektuarve me HIV ka ardhur edhe një reagim i menjëhershëm nga Festivali muzikor Lollapalooza e cila ka anuluar shfaqjen e reperit, ku komentet e tij u cilësuan si homofobe.
Por ka qenë reperi T.I i cili ka shprehur mbështetje për artistin DaBaby në rrjetin e tij social Instagram, duke shprehur se:
Nëse do të kesh videon e Lil Nas X dhe ai të jetojë të vërtetën e tij, patjetër që do të kesh njerëz si DaBaby që do të thonë të vërtetën e tyre.
Ndërkaq, Festivali Lollapalooza ka njoftuar se reperët Young Thug dhe G Herbo do të marrin vendet e DaBaby-t në festival. Festivali tha në një njoftim në Twitter se ishte “i bazuar në diversitet, përfshirje, respekt dhe dashuri” dhe se performanca e DaBaby u anulua.
Lollapalooza was founded on diversity, inclusivity, respect, and love. With that in mind, DaBaby will no longer be performing at Grant Park tonight. Young Thug will now perform at 9:00pm on the Bud Light Seltzer Stage, and G Herbo will perform at 4:00pm on the T-Mobile Stage. pic.twitter.com/Mx4UiAi4FW
— Lollapalooza (@lollapalooza) August 1, 2021
Rikujtojmë, se pas këtyre komenteve fyese reagoi menjëherë edhe këngëtarja e famshme me origjinë shqiptare, Dua Lipa e cila e tronditur shprehu se:
Jam e surprizuar dhe e shokuar nga komentet e DaBaby. Nuk e njoh si personin me të cilin kam punuar. E di që fansat e mi e dinë se cilat janë qëndrimet e mia dhe se e mbështes 100% komunitetin LGBTQ. Duhet të bëhemi bashkë për të luftuar paragjykimet dhe injorancën për HIV/AIDS.
Por pas gjithë kësaj buje artisti i njohur, DaBaby reagoi duke pranuar se fjalët e tij ishin ‘të pandjeshme’ por që ai nuk kishte ‘asnjë qëllim për të ofenduar askënd’. Pas kësaj deklarate skandaloze, ai reagoi përmes një statusi në Twitter, duke kërkuar falje.