Krishtlindjet në Angli janë një festë e mbushur me tradita të pasura dhe festime të ngrohta. Nga këngëtarët deri te darkat luksoze dhe gëzimi i shkëmbimit të dhuratave, anglezët përqafojnë frymën e Krishtlindjeve, duke krijuar një ndjenjë të bashkërendimit dhe mirësjelljes, duke e bërë këtë periudhë një kohë të vërtetë magjepsëse të vitit. Steve Roud në librin e tij “The English Year: A Month-By-Month Guide to the Nation’s Customs and Festivals, from May Day to Mischief Night”, zbulon më tepër rreth festimeve të Krishtlindjeve në Angli.
Sezoni i ‘Adventit’ dhe dekorimet
Sezoni i Krishtlindjeve në Angli ashtu si në Gjermani, fillon me kalendarin e Adventit, katër javët para mbrëmjes së Krishtlindjes. Shtëpitë zbukurohen me drita shumëngjyrëshe, kurora lulesh festive në dyert e shtëpise dhe kalendarët Adventi që numërojnë ditët deri në Krishtlindje.
Këndimi i këngëve tradicionale dhe shërbimet kishtore
Anglezët përqafojnë traditën e këndimit të këngëve të Krishtlindjeve, ku grupe të ndryshme shkojnë nga shtëpia në shtëpi ose mblidhen në sheshe qyteti për të kënduar këngë tradicionale. Shërbimet kishtare të ‘Mbrëmjes së Krishtlindjes’ janë të mbushura me himne të bukura dhe organizime me qirinj, që e përforcojnë thelbin e vërtetë të kësaj periudhe.
Tregjet dhe pema e Krishtlindjeve
Qytetet si Londra, Mançester dhe Birmingham organizojnë tregje të bukura të Krishtlindjeve që ofrojnë kënaqësi festive, dhurata të bëra me dorë dhe ëmbëlsira të shijshme si dhe verë të ngrohtë me gështenja të pjekura. Këto tregje krijojnë një atmosferë mbreslënëse, duke tërhequr vendas dhe turistë njëkohësisht. Gjëja kryesore gjatë kësaj periudhe në shtëpinë e anglezve është pema e Krishtlindjes. Ajo është e zbukuruar me topa shumëngjyrëshe, drita dhe një yll ose një engjëll në krye të pemës. Familjet mblidhen për të dekoruar pemën, zakonisht në fundjavën e parë ose të dytë të dhjetorit.
