Joe Biden do të humbasë kurorëzimin e mbretit Charles III. Ceremonia do të zhvillohet në fillim të majit, por raportet sugjerojnë se presidenti i Shteteve të Bashkuara nuk do të jetë i pranishëm. Pavarësisht planifikimit për të udhëtuar në Irlandën e Veriut muajin e ardhshëm, Biden pritet të kthehet në SHBA vetëm disa ditë përpara se Mbreti Charles të mbërrijë për të festuar 25 vjetorin e Marrëveshjes së së Premtes së Mirë.
Sipas raportimeve, Biden do t’i kërkojë zonjës së parë Jill ose zëvendëspresidentes Kamala Harris të marrin pjesë në kurorëzimin më 6 maj. Një burim tha për Daily Mail se:
Ne mendojmë se përfaqësuesi do të jetë zonja e parë ose zëvendëspresidentja. Për mbretëreshën ishte Guvernatori i Kalifornisë dhe shefi i shtabit të ushtrisë amerikane.
Sipas The Daily, Dame Karen Pierce, ambasadorja britanike në SHBA dhe zyrtarë të Pallatit Buckingham ishin përfshirë në bisedime mjaft diplomatike me qeverinë amerikane për të organizuar delegacionin. Ndërkohë, Princi Harry dhe Meghan Markle janë gjithashtu të ftuar për të marrë pjesë në ceremoni, por ata ende nuk kanë konfirmuar nëse do të udhëtojnë në Mbretërinë e Bashkuar për kurorëzimin. Një tjetër burim u shpreh për “OK!” se:
Ditëlindja e Archie bie në 6 maj, ditën e kurorëzimit dhe Sussex-ët duan që familja ta kuptojë këtë.
Ia vlen të theksohet gjithashtu se shumë artistë kanë refuzuar që të performojnë në ditën e kurorëzimit të Mbretit.
