Kompania franceze Zephalto do t’i japë botës mundësinë, që nga viti 2025, të përjetojë një darkë unike në stratosferë, sigurisht duke paguar shumë. Inxhinieri aeronautik dhe themeluesi i Zephalto, Vincent Fare d’Astier tha se:
Kam bashkëpunuar me agjencinë hapësinore franceze dhe kemi punuar së bashku në projektimin e balonës hapësinore.
Synimi i kompanisë franceze është të realizojë 60 fluturime në vit, me gjithsej 6 pasagjerë për fluturim, por edhe të ofrojë një darkë të paharrueshme dhe cilësore. Ziphalto ka vendosur synimin e tij për t’u bërë i denjë për restorantet me yje Michelin, por tani për tani është në kërkim të një kuzhinieri të mirë.
Në udhëtim prej 6 orësh, pasagjerët do të kenë gjithashtu WiFi për të përmirësuar përvojën me miqtë e tyre online. Vihet re se para se të nisen për 25 kilometra nga toka, do të vizitohen nga psikologu. Vincent Fare d’Astier
Balona hapësinore do të qëndrojë në lartësinë maksimale për tre orë, duke i lejuar pasagjerët të ndihen si astronautë. Ne zgjodhëm 25 kilometra sepse është lartësia ku jeni në errësirën e hapësirës, me 98% të atmosferës poshtë jush. Kështu që ju mund të shijoni lakimin e Tokës. Me fjalë të tjera, ju jeni në hapësirë, por pa gravitet zero.
