Vetmia nuk është e keqe vetëm për shëndetin mendor të meshkujve, por mund të jetë e keqe edhe për kockat e tyre, sipas një studimi të ri. Dhe ndërsa izolimi social mund të ketë një ndikim negativ në shëndetin e kockave të burrave, kjo nuk është e vërtetë për gratë, zbuluan studiuesit.
Dr. Rebecca Mountain, nga Instituti Shëndetësor i Maine për Kërkime në Scarborough, Maine, ishte hulumtuesi kryesor në studim, siç raportuan disa media. Studimi u prezantua të dielën në ENDO 2023, takimi vjetor i Shoqatës Endokrine, në Çikago, Illinois. Mountain tha në një deklaratë:
Izolimi social është një formë e fuqishme e stresit psikosocial dhe është një shqetësim në rritje për shëndetin publik, veçanërisht në mesin e të moshuarve.
Izolimi social, tha ajo gjithashtu, shoqërohet me një rrezik në rritje për shumë kushte shëndetësore, duke përfshirë çrregullimet mendore, si dhe shkallë më të lartë të sëmundjeve dhe vdekjeve. Doktoresha shtoi:
Kërkimet e mëparshme klinike kanë treguar se stresorët psikosocial dhe çrregullimet pasuese të shëndetit mendor, janë faktorët kryesorë të rrezikut për osteoporozën dhe frakturat, të cilat prekin në mënyrë disproporcionale të rriturit e moshuar.
Ajo shtoi se ndikimet e izolimit social në “kocka, megjithatë, nuk janë hetuar plotësisht”. Në studim, studiuesit i ekspozuan minjtë e rritur në izolim social që do të thotë një mi për kafaz ose strehim të grupuar, me katër minj për kafaz për katër javë.
Shkencëtarët zbuluan se izolimi social shkaktoi reduktime të konsiderueshme në cilësinë e kockave, duke përfshirë reduktimin e densitetit mineral kockor, te minjtë meshkuj por jo te minjtë femra. Abstrakti i artikullit tregoi se “minjtë meshkuj të izoluar kishin shenja të remodelimit të reduktuar të kockave të përfaqësuara nga një numër i reduktuar i osteoblasteve, shprehja e gjeneve të lidhura me osteoblastet dhe shprehja e gjeneve të lidhura me osteoklastet.
