Edhe pse YouTube mund të mos duket si zgjedhja më e dukshme për ndjekjen e një formati të bazuar në audio, ai është bërë një lojtar kryesor në botën e podcasteve. Kompania ka njoftuar se deri në janar të këtij viti ka kaluar një miliard shikues aktivë mujorë. Përdoruesit nuk i dëgjojnë podcastet në YouTube vetëm përmes kufjeve të tyre, pasi të dhënat tregojnë se mbi 400 milionë orë përmbajtje podcastesh janë ndjekur në “pajisjet e dhomës së ndenjjes” gjatë vitit 2024. Të dhënat e Edison Research tregojnë se YouTube ishte platforma më e përdorur për pothuajse një të tretën e dëgjuesve aktivë javorë të podcasteve të moshës 13 vjeç e lart.
Ndërkaq, YouTube është gati të nisë zyrtarisht një version më të lirë, “Premium Lite” të shërbimit të saj. Ky nivel i ri do të synojë shikuesit që kryesisht duan të shikojnë programe të tjera përveç videove muzikore. YouTube pilotoi një version pa reklama të një niveli të quajtur Premium Lite në disa vende evropiane duke filluar në vitin 2021 përpara se të anulonte planin në 2023. Por kompania konfirmoi në tetor se po testonte një version të ndryshëm të Premium Lite dhe të paktën një përdorues raportoi se versioni i ri kishte reklama të kufizuara.
Në një deklaratë, zëdhënësi i YouTube, Paul Pennington tha se kompania ka testuar një ofertë të re YouTube Premium me shumicën e videove pa reklama dhe se “shpresojnë ta zgjerojnë këtë ofertë për më shumë përdorues në të ardhmen me mbështetjen e partnerëve. Pennington nuk tha në mënyrë specifike sa mund të kushtojë shërbimi. Edhe pse Google e prezantoi këtë përditësim me pretendimin se do të përmirësojë stabilitetin e baterisë, duket se për shumë përdorues praktikisht e ka shkatërruar baterinë dhe me këtë, edhe përvojën e përdorimit të smartfonit.
