Zëvendësshefi i stafit të Donald Trump, Dan Scavino, i propozoi për martesë të dashurës së tij Erin Elmore jashtë Zyrës Ovale në Shtëpinë e Bardhë. Scavino e ndau lajmin e lumtur në rrjetet sociale duke postuar një video të propozimit. Klipi e tregon atë të gjunjëzuar para Erin, duke mbajtur një unazë të madhe diamanti, ndërsa në sfond luhet muzikë romantike.
Ai thjesht shkroi mbi videon: “Ajo tha PO”. Megjithatë, ajo që tërhoqi më shumë vëmendjen e publikut ishte vetë vendi i propozimit, i cili u zhvillua pikërisht përpara Zyrës Ovale. Shumë kanë komentuar se kjo zgjedhje pasqyron një kombinim të pazakontë të jetës private dhe asaj të biznesit.
She said YES❤️🔥💍🙏🇺🇸 pic.twitter.com/BMrWvZbvpN
— Dan Scavino Jr.🇺🇸🦅 (@DanScavino) September 25, 2025
Megjithatë, ndërsa disa shprehën pakënaqësi për zgjedhjen e vendndodhjes, miqtë dhe aleatët e çiftit treguan mbështetjen e tyre. Çifti u mbështet nga vetë Donald Trump, i cili shkroi në platformën e tij Truth Social: “Çfarë çifti i mrekullueshëm, urime!” Dan Scavino njihet si një nga bashkëpunëtorët më besnikë të Donald Trump. Ndërkaq, Erin Elmore, është e njohur për publikun për pjesëmarrjen e saj në reality show “The Apprentice” nga viti 2005 dhe ka qenë në sferën politike të Trump që nga viti 2016. Aktualisht ajo punon si drejtoreshë arti në ambasadat amerikane në Departamentin e Shtetit.
