“Dorëzoni Belindën dhe Agasin që të ketë një parlament normal. Parlament nuk mund të ketë pa dorëzuar Lubinë dhe Agasin”. Kjo është kërkesa e deputetëve të PD-së të cilët kanë zaptuar podiumin e ministrave dhe u rreshtuan para foltores duke mos lejuar seancë normale.
Demokratët ndezën flakadanë e hodhën sende në drejtim të kryetarit të Kuvendit, Niko Peleshi, i cili përjashtoi nga seanca Klevis Balliun dhe Flamur Nokën.
Uluni që të dalë Garda, i tha Peleshi demokratëve, por pa sukses.
Peleshi kaloi në votimin e projektligjeve të rendit të ditës. Më herët mes kaosit, bëri betimin Endri Shabani si Avokat i Popullit.
