Janari është tradicionalisht njohur si “muaji i divorceve”, megjithatë një studim i fundit nga Universiteti i Uashingtonit ka zbuluar se ndarjet më të mëdha ndodhin në gusht dhe mars.
Sidoqoftë, gjykatat ende e konsiderojnë janarin si periudhën ku regjistrohen shkurorëzimet më të shumta. Ekspertët ligjorë sugjerojnë se arsyeja për këtë është se çiftet, sidomos ata me fëmijë, nuk duan të kalojnë periudhën e pushimeve të fundvitit duke kaluar nëpër një ndarje.
Shumë individë që kanë filluar të mendojnë për divorcin, preferojnë të presin deri pas festave për të shmangur pasigurinë emocionale që mund të krijohet gjatë sezonit të pushimeve. Janari është gjithashtu një kohë reflektimi, kur shumë njerëz bëjnë plane dhe objektiva për vitin e ri, duke përfshirë rivlerësimin e marrëdhënieve të tyre.
Një ekspert ligjor ka shpjeguar për ‘Huffington Post’ se festat shpesh janë periudha të mbushura me emocione të larta, dhe kjo mund të bëjë që individët të kuptojnë nëse janë të lumtur ose të mërzitur me jetën e tyre martesore. Kjo është arsyeja pse shumë çiftet, pas një periudhe reflektimi, mund të marrin vendimin për të ndarë rrugët e tyre gjatë muajve të parë të vitit.
