Sarah Berisha, një nga ish-banoret më të njohura të “Big Brother VIP” dhe një influencuese e suksesshme në rrjetet sociale, ishte e ftuar në emisionin “Goca dhe Gra” në Top Channel. Përpos se ka ndarë detaje të reja lidhur me marrëdhënien e saj me PM dhe planet për të ardhmen, bukuroshja ka zbuluar gjithashtu informacione rreth pagës së punës së saj si influencer.
Gjatë bisedës, moderatorja Einxhel Shkira e ngacmoi Sarah-n me një pyetje të lehtë, në mënyrë humoristike, për të ardhurat e saj nga puna si influencuese dhe për numrin e zerove në llogarinë bankare. Ajo shtoi gjithashtu se do të dëshironte ta krahasonte këtë me të ardhurat e Dagz dhe PM.
Sarah, e cila e mori pyetjen me humor, i dha një përgjigje të lehtë, duke e shmangur atë në mënyrë të qeshur dhe duke thënë:
Sa e poshtër që je!
Megjithatë, ajo nuk ngurroi të fliste për karrierën e saj si influencuese dhe ndikimin që ka pasur pjesëmarrja e saj në “Big Brother VIP”.
Sarah shpjegoi se ka filluar të merret me këtë fushë shumë vite më parë, por ajo theksoi se pas eksperiencës në “Big Brother VIP”, gjërat kanë ndryshuar ndjeshëm. Ajo shtoi se fama dhe shikueshmëria janë rritur ndjeshëm, dhe kjo ka bërë që çmimet për postimet dhe angazhimet e saj të rriten gjithashtu.
Fitoj mjaftueshëm për të plotësuar gjërat që dua
– tha Sarah, duke nënkuptuar se ajo është e kënaqur me të ardhurat që fiton si influencuese dhe se ka mundësinë të investojë në jetën dhe projektet e saj personale.
