Ish-inxhinierja e Tesla-s e cila ka luftuar me Elon Musk dhe kompaninë e tij përmes gjykatave për vite, ka fituar raundin e fundit të një beteje ligjore të gjatë. Cristina Balan humbi punën e saj pasi ngriti një shqetësim sigurie në vitin 2014 për një defekt të dizajnit që mund të ndikonte në frenimin e makinës. Pretendimi i saj kundër kompanisë dukej se kishte mbaruar kur një gjyqtare konfirmoi një vendim arbitrazhi që hodhi poshtë çështjen por një panel gjyqtarësh apeli në Kaliforni e ka anuluar këtë vendim në favor të saj.
Ajo tha se tani dëshiron të përballet me Elon Musk dhe Tesla në gjykatë të hapur. Balan tha se beson se çështja tani në fakt do të kthehet në fillim dhe mund të nisin procedura të reja. “Ne shpresojmë se do të fillojmë një padi të re dhe do të kemi mundësinë të përballemi me Elon Musk përpara një jurie dhe gjyqtari”-tha ajo. Inxhinierja dikur ishte aq e spikatur në Tesla sa inicialet e saj ishin gdhendur në bateritë brenda automjeteve Model S.
Në një intervistë vitin e kaluar, ajo tha se është e vendosur të provojë pafajësinë e saj për hir të djalit të saj. Ajo gjithashtu zbuloi se ishte e prekur nga kanceri i gjirit dhe shqetësimi i saj më i madh ishte se mund të mos jetonte për të parë ditën e saj të fundit në gjykatë. Mes kaosit tarifor dhe rënies së shitjeve, Tesla ka njoftuar versionin e saj të fundit të Cybertruck. Ky është modeli me një motor me rreze të gjatë, i vendosur si modeli bazë për linjën. Megjithatë, ai nuk ka saktësisht një çmim të modelit bazë. Me tarifat e destinacionit të përfshira, ai ende kushton 71,985 dollarë.
Cybertruck më pak i shtrenjtë ka rrezen më të gjatë të të gjithëve, duke kaluar rreth 560 kilometra me një karikim të vetëm. Motori i vetëm drejton boshtin e pasmë dhe megjithëse nuk përmendet një shifër kuajfuqie, Tesla pretendon se mund të arrijë 96 km/h në 6.2 sekonda. Sipas faqes së internetit të Tesla, ky Cybertruck do të jetë i disponueshëm diku midis qershorit dhe korrikut të këtij viti.
