Dimri ende nuk ka përfunduar dhe temperaturat e ulëta vazhdojnë, ndaj disa punë shtëpiake mbeten shumë të rëndësishme sidomos lufta kundër kondensimit (lagështisë në dritare dhe mure). Kështu shumë këshillohen të praktikojnë një metodë të thjeshtë dhe pa kosto për të reduktuar lagështinë e quajtur, “ajrosja e shtëpisë” (ose “house burping”). Kjo do të thotë të hapni dritaret për 10–15 minuta çdo ditë, në mënyrë që ajri i freskët të qarkullojë në shtëpi. Kjo ndihmon në uljen e lagështisë dhe parandalon krijimin e mykut.
Një specialist i brendshëm thekson se kjo metodë është shumë efektive, sidomos gjatë muajve të ftohtë. Ajrosja e shpejtë ndihmon në uljen e nivelit të lagështisë në ajër, duke parandaluar kondensimin në xhama dhe mure. Është veçanërisht e dobishme në ambiente me lagështi të lartë, si kuzhina dhe banja, sidomos nëse nuk ka aspirator. Megjithatë, ekziston një gabim i zakonshëm që mund ta përkeqësojë situatën: mos hapja e perdeve ose roletave gjatë ajrosjes. Nëse ato qëndrojnë të mbyllura, ajri i ftohtë mund të bllokohet mes dritares dhe perdes, duke rritur rrezikun e kondensimit.
Prandaj, gjatë ajrosjes, duhet të hapni plotësisht dritaret dhe perdet, në mënyrë që ajri të qarkullojë siç duhet. Kjo jo vetëm që redukton lagështinë, por përmirëson edhe cilësinë e ajrit në shtëpi. Ajri i freskët largon ajrin e ndenjur, ndotësit dhe aromat e pakëndshme, duke e bërë ambientin më të pastër dhe më të freskët. Si të reduktoni kondensimin në shtëpi:
- Hapni dritaret rregullisht;
- Përdorni aspiratorët në kuzhinë dhe banjë;
- Mbani dyert e mbyllura kur gatuani ose bëni dush;
- Vendosni kapak mbi tenxhere gjatë gatimit;
- Thani rrobat në ambiente të ajrosura mire;
- Fshini sipërfaqet e lagështa;
- Mbani ngrohje të qëndrueshme në shtëpi;
- Mos vendosni mobilie shumë afër mureve të jashtme;
- Mbani perdet e hapura gjatë ditës.
