Britania e Madhe ka njoftuar se do të dërgojë anijen luftarake HMS Dragon në Lindjen e Mesme, në kuadër të përgatitjeve për një operacion të mundshëm shumëkombësh që synon mbrojtjen e anijeve tregtare në Ngushticën e Hormuzit.
HMS Dragon, një shkatërrues i specializuar për mbrojtje ajrore, ishte vendosur më herët në Mesdheun Lindor në muajin mars, menjëherë pas nisjes së sulmeve ajrore kundër Iranit, duke kontribuar në mbrojtjen e Qipros.
Vendimi i Britanisë për ta zhvendosur anijen në Lindjen e Mesme vjen pak pasi France vendosi grupin e saj të sulmit me aeroplanmbajtëse në jug të Detit të Kuq. Dy vendet po bashkëpunojnë për një plan mbrojtës që synon rikthimin e sigurisë dhe besimit në rrugët tregtare detare në rajon.
Lëvizjet ushtarake vijnë në një moment tensionesh të larta në Gjirin Persik dhe në Ngushticën e Hormuzit, një nga korridoret më të rëndësishme për transportin global të energjisë dhe tregtinë ndërkombëtare.
Bashkëpunimi ushtarak midis SHBA-së dhe Mbretërisë së Bashkuar është në një pikë të ulët, me të dy vendet në mosmarrëveshje për Ngushticën e Hormuzit. SHBA-ja ka thënë se dëshiron ndihmë dhe ka kritikuar bisedimet britanike dhe franceze për krijimin e patrullave mbrojtëse pas luftës, duke i quajtur ato “budallallëqe”.
JEF përfshin Holandën, pesë vendet nordike dhe tre shtetet baltike, ku Mbretëria e Bashkuar është anëtarja më e madhe ushtarake. Kanadaja gjithashtu po shqyrton mundësinë e anëtarësimit, ndërsa disa anëtarë të NATO-s përmirësojnë reagimin e tyre ndaj agresionit në rritje rus.
Më herët këtë muaj, Mbretëria e Bashkuar tha se nëndetëset ruse spiune ishin parë duke u përfshirë në atë që dukej të ishte mbikëqyrje e fshehtë e infrastrukturës nënujore përreth Britanisë.
Forca e re detare, e cila do të “komandohet nëse është e nevojshme” nga selia ushtarake e Mbretërisë së Bashkuar në Northwood, në veriperëndim të Londrës, do të synojë stërvitjen dhe përgatitjen e përbashkët. Gjithashtu, ajo do të jetë “e projektuar për të luftuar menjëherë nëse është e nevojshme, me aftësi reale, plane të vërteta lufte dhe integrim të vërtetë”, tha Jenkins, megjithëse marina pati vështirësi për të pasur një anije luftarake në fillim të luftës me Iranin.
