Aktorja e njohur Christina Applegate ka ndarë me publikun një tjetër sfidë të vështirë shëndetësore. Përveç sklerozës së shumëfishtë, me të cilën është diagnostikuar që në vitin 2021, ajo tani po përballet edhe me depresion të thellë.
Gjatë një interviste në podcastin e Jamie Lynn-Sigler, Applegate rrëfeu se simptomat e para të sëmundjes u shfaqën në vitin 2019 gjatë xhirimeve të serialit “Dead to Me”, por ato nuk u morën fillimisht seriozisht.
Jam në një depresion që nuk e kam përjetuar prej vitesh. Asgjë nuk më bën më të ndihem mirë. Edhe kur dikush më thotë të shkojmë për një shëtitje apo kafe, nuk e shijoj
-u shpreh aktorja me sinqeritet.
Ajo tha gjithashtu se e kishte shmangur terapinë që prej diagnostikimit, nga frika se nuk do të mund të ndalonte së qari, por së fundmi ka vendosur të kërkojë ndihmë psikologjike.
Përkundër vështirësive, Christina Applegate po vazhdon të flasë hapur për sfidat e saj, duke dhënë zë për mijëra të tjerë që përballen me probleme të ngjashme.
