Aktorja e njohur Christina Applegate ka ndarë një dëshmi prekëse në podcast-in “Conan O’Brien Needs a Friend”, ku foli për shenjat e para të sklerozës së shumëfishtë, sëmundje që i ndryshoi jetën në vitin 2021.
Applegate, e cila është përballur me këtë diagnozë në kulmin e karrierës së saj, rrëfeu se gjithçka nisi me një simptomë delikate, që në fillim mund të ishte injoruar lehtësisht.
Ishte janari i vitit 2021 kur fillova të ndieja mpirje në gishtërinjtë e këmbëve. Isha ende aktive fizikisht – luaja tenis dhe bëja ecje – por diçka nuk shkonte
Me kalimin e muajve, simptomat u përhapën nga gishtërinjtë në këmbë, në gjunjë dhe më pas në gjithë trupin, duke shkaktuar humbje ekuilibri dhe dhimbje të forta.
U bë e vështirë të qëndroja në këmbë. U ndieva e pasigurt, e frikësuar dhe dhimbja ishte e padurueshme
Në rrugëtimin e saj, Christina ka gjetur mbështetje te mikja e saj e ngushtë dhe aktorja Selma Blair, e cila gjithashtu vuan nga e njëjta sëmundje.
Applegate nuk nguron të flasë hapur për përditshmërinë sfiduese që e shoqëron sot:
Nëse njerëzit do të shihnin si është vërtet dita ime, nuk do ta duronin dot. Ndonjëherë as unë nuk e duroj dot
Përveç vështirësive fizike, aktorja po përballet edhe me stigmën sociale që shoqëron shpesh këtë sëmundje neurologjike.
Rrëfimi i saj është një thirrje e fuqishme për vetëdijësim mbi sklerozën e shumëfishtë dhe për më shumë mbështetje ndaj personave që jetojnë me këtë diagnozë.
