Papa Leo XIV ka zbuluar publikisht skuadrën e tij të preferuar të futbollit, duke konfirmuar se është tifoz i zjarrtë i AS Roma. Në një takim me një mbështetës të Giallorossëve, ai reagoi duke thirrur me entuziazëm:
Forza Roma!
– një frazë ikonike mes tifozëve të kryeqytetit italian.
Pamjet e momentit u bënë virale në rrjetet sociale dhe konfirmuan atë që prej kohësh ishte përfolur nga bashkëpunëtorët e tij të afërt. At Joseph Farrell, një anëtar i lartë i urdhrit fetar Augustinian dhe mik i Papës prej katër dekadash, tha për “Reuters” se Papa është një sportdashës i madh, veçanërisht pasionant për futbollin dhe bejsbollin.
Leo XIV është një lojtar i rregullt tenisi. Ai vinte dhe luante në fushat tona të paktën një herë në javë. Dhe është tifoz i Romës deri në fund.
Papa Leo XIV, i cili vjen nga Çikago, është gjithashtu një mbështetës i ekipit të bejsbollit Chicago White Sox në MLB.
Megjithëse klubi AS Roma nuk ka dhënë një konfirmim zyrtar për përkatësinë e Papës, pas zgjedhjes së tij në krye të Kishës Katolike, klubi i Serie A publikoi një mesazh mirëseardhjeje në rrjetet sociale:
AS Roma i bashkohet gëzimit të Romës dhe të gjithë botës për zgjedhjen e Papa Leo XIV dhe i uron atij gjithë të mirat për papatin e tij.
Ky është një moment që ka entuziazmuar tifozët e Romës në mbarë botën, të cilët tashmë ndihen të bekuar nga përkrahja e Papës së ri.
