Fenomeni i cigareve elektronike duket se nuk po prek vetëm njerëzit. Video të shpërndara në rrjetet sociale tregojnë ketra që përtypin pajisje vape, pasi i ngatërrojnë aromat e ëmbla me ushqim. Në një video virale, një ketër gri shihet duke mbajtur një pajisje vape mbi një gardh në Brixton, në jug të Londrës. Ndërkohë, një tjetër video nga Filadelfia tregon një ketër duke përtypur një pajisje që ngjan me një Elfbar.
Sipas ekspertëve, kafshët nuk tërhiqen nga nikotina, por nga aromat frutore që lëshojnë këto produkte. “Do të ishte e arsyeshme të mendohet se një vape është më tërheqës sesa një cigare tradicionale, pikërisht për shkak të aromave”, shpjegon Craig Shuttleworth, ekspert i ketërve të kuq në Universitetin Bangor.
Megjithatë, pasojat mund të jenë serioze. Kafshët mund të gëlltisin mikroplastikë duke përtypur pajisjet, si dhe të ekspozohen ndaj nikotinës, një substancë që nuk e hasin në natyrë dhe që mund të jetë e dëmshme për to. Shoqata Mbretërore për Parandalimin e Mizorisë ndaj Kafshëve (RSPCA) e cilëson këtë fenomen si një kujtesë të fortë për rrezikun që mbeturinat paraqesin për jetën e egër. Organizata u bën thirrje qytetarëve të mos hedhin mbeturina dhe t’i depozitojnë ato në mënyrë të përgjegjshme.
Sipas të dhënave, rreth pesë milionë cigare elektronike njëpërdorimëshe hidhen çdo javë, duke rritur ndjeshëm rrezikun për kafshët. Konsumi i duhanit ka përjetuar një rënie të shpejtë sipas një analize të fundit të kryer nga Anketimet Kombëtare të Shëndetit në SHBA (NHIS). Ky trend pozitiv është ndihmuar nga rritja e përdorimit të produkteve alternative me risk të reduktuar, si cigaret elektronike dhe nargjilejat e përdorura në mënyrë të ndryshme, gjatë dekadës së fundit.
Studimet e kohëve të fundit kanë provuar se këto produkte alternative, të cilat shpesh përmenden si zëvendësues të cigareve, mund të luajnë një rol të rëndësishëm në luftën kundër duhanpirjes. Megjithatë, ka pasur debate të vazhdueshme në lidhje me efektivitetin e tyre. Disa ekspertë argumentojnë se këto produkte janë një mënyrë për të filluar duhanin, ndërsa të tjerë besojnë se ato mund të ndihmojnë në uljen e konsumit të duhanit duke ofruar një alternativë më të sigurt.
