Ellen DeGeneres dhe bashkëshortja e saj, Portia de Rossi, kanë shitur një tjetër pronë të tyre në Montecito, Kaliforni, duke bërë një hap të madh drejt një jete të re jashtë Shteteve të Bashkuara.
Çifti ka vendosur të jetojë në fshatin anglez Cotswolds, duke lënë pas një periudhë të vështirë në Hollywood.
Shtëpia me dy dhoma gjumi është shitur për 5.2 milionë dollarë (4.8 milionë euro), një çmim më i lartë se ai i blerjes, duke thelluar kështu largimin e tyre nga SHBA.
Ky ndryshim ka ardhur pas skandalit të vitit 2020, kur u bë e njohur akuzat për një ambient toksik pune në “The Ellen DeGeneres Show”, që ndikoi negativisht në reputacionin e saj.
Çifti kishte përshkruar fermën e tyre në Cotswolds si një parajsë të qetë, por përmbytjet e kohëve të fundit dhe sfidat me lejet e ndërtimit kanë sjellë nevojën për të kërkuar një pronë më të përshtatshme. Burime pranë çiftit raportojnë se Ellen dhe Portia po kërkojnë një shtëpi të re, duke tentuar të bashkojnë stilin e jetesës së tyre kaliforniane me jetën e qetë angleze.
Për momentin, nuk është e qartë nëse kjo do të jetë vendbanimi i tyre i përhershëm apo një tjetër fazë e rrugëtimit të tyre të ri.
