Modelja dhe aktorja e njohur amerikane, Emily Ratajkowski, është përballur me një valë kritikash në rrjetet sociale pasi publikoi një seri fotografish provokuese, që kishte kryer për revistën “New York Magazine”.
Në fotografitë e shpërndara në Instagram, 35-vjeçarja shfaqet topless, e veshur vetëm me një xhaketë lëkure të hapur, ndërsa mban në krahë një kukull foshnje dhe simulon ushqyerjen me gji.
Në disa prej imazheve ajo shihet gjithashtu duke mbajtur një gotë martini, detaj që shkaktoi reagime të shumta mes ndjekësve.
Shumë përdorues të rrjeteve sociale e cilësuan fotosesionin si “shqetësues”, “të papërshtatshëm” dhe “të pakëndshëm”, duke kritikuar mënyrën se si ishte paraqitur tema e ushqyerjes me gji.
Që kur ushqyerja me gji shoqërohet me konsumimin e alkoolit?
-shkroi një komentues, ndërsa të tjerë e akuzuan modelen për seksualizimin e një procesi natyror të amësisë.
Megjithatë, fotografitë janë pjesë e promovimit të një ‘eseje’ personale ku Ratajkowski reflekton mbi jetën e saj pas divorcit nga ish-bashkëshorti, producenti Sebastian Bear-McClard, me të cilin ka djalin e saj, Sylvester Apollo Bear.
Në shkrimin e saj, modelja flet hapur për periudhën e vështirë pas ndarjes, duke zbuluar se martesa e saj filloi të shpërbëhej vetëm disa muaj pas lindjes së djalit.
Ajo rrëfen gjithashtu përvojat e saj në botën e takimeve romantike pas divorcit, duke pranuar se kaloi një periudhë të trazuar emocionale, gjatë së cilës kërkonte të rindërtonte identitetin e saj si grua dhe nënë.
Ratajkowski u nda nga Bear-McClard në vitin 2022, mes raportimeve për tradhti, ndërsa më pas emri i saj u lidh me disa figura të njohura, përfshirë Harry Styles, Pete Davidson dhe Eric Andre.
Pavarësisht kritikave, modelja vazhdon të jetë e njohur për qasjen e saj të drejtpërdrejtë dhe gatishmërinë për të trajtuar tema personale dhe kontroverse në publik.
