Era Istrefi dhe Gjesti, dy nga emrat më të njohur të muzikës shqiptare, janë parë së fundmi së bashku në New York, duke tërhequr vëmendjen e fansave dhe duke ngritur pikëpyetje për një bashkëpunim të mundshëm.
Këngëtarja e hitit “BonBon” publikoi një video në Instagram ku shihej në një makinë përkrah Gjesti-t, çka mjaftoi për të ndezur spekulime në rrjetet sociale.
Së shpejti u bë e ditur se dy artistët do të ndajnë të njëjtën skenë këtë të premte në një klub të njohur të New York-ut. Evenimenti pritet të sjellë bashkë disa prej yjeve të muzikës shqiptare, ku përveç Erës dhe Gjesti-t do të performojnë edhe Lyrical Son dhe MC Kresha, duke garantuar një mbrëmje plot energji dhe atmosferë unike.
Edhe pse deri tani nuk është konfirmuar asnjë bashkëpunim i ri muzikor mes Istrefit dhe Gjesti-t, prania e tyre së bashku ka shtuar kureshtjen e publikut, që mezi pret të shohë nëse kjo afri do të sjellë diçka më shumë në të ardhmen.
