Fermerët francezë organizuan protestë ditën e sotme jashtë Pallatit të Versajës kundër marrëveshjes së tregtisë së lirë midis Bashkimit Evropian dhe bllokut tregtar të Amerikës së Jugut “Mercosur”.
Një peticion që u firmos në datën 17 shtator që kërkon shfuqizimin e ligjit të diskutueshëm Duplomb, i cili do të debatohet në Asamblenë Kombëtare Franceze pasi mblodhi mbi 2.13 milionë nënshkrime, njoftoi grupi parlamentar “Franca e Panënshtruar” (LFI).
Ligji vjen pas protestave të gjera të fermerëve vitin e kaluar, gjatë të cilave punëtorët bujqësorë shprehën zemërim ndaj politikave qeveritare dhe një marrëveshjeje të planifikuar të tregtisë së lirë midis BE-së dhe bllokut tregtar të Amerikës së Jugut “Mercosur”.
Fermerët thanë se marrëveshja do të çonte në konkurrencë të padrejtë dhe do të përkeqësonte kufizimet ekzistuese në sektor. Ata çuan traktorët e tyre në Paris dhe bllokuan kryeqytetin për ditë të tëra.
LEXO EDHE: Karvani i ngadaltë i fermerëve francezë mbërrin në Strazburg para Parlamentit Evropian
Qeveria franceze u përgjigj duke premtuar reforma dhe përmirësime për të mbështetur sektorin bujqësor pas negociatave me sindikatat e fermerëve.
Vështirësimi i jetës e punës së fermerëve në Francë vjen gjithashtu nga shtimi i burokracive, të ardhurat e ulëta dhe moti i dëmshëm për kulturat e tyre bujqësore.
Me marrëveshjen e re, BE propozon që tregjet evropiane të furnizohen nga prodhime më të lira duke hequr dorë nga rregullat evropiane për përdorimin e pesticideve të dëmshme, hormoneve dhe teknikave të ndaluara.
