Mëngjesin e kësaj të enjte, ishte i ftuar në “Wake Up”, Anaid Kaloti, i cili ka bërë një analizë të rrugëtimit të gjashtë banorëve që kanë ngelur në shtëpinë e “Big Brother VIP 3”. Fituesi i BB6 u shpreh se ai ka dëshirë që këtë edicion të tretë të reality show-t t’a fitojë Meriton Mjekiqi.
Vetëm gjashtë banorë kanë ngelur tashmë në shtëpinë më të famshme në Shqipëri, “Big Brother VIP3”. Romeo Veshaj dhe Julian Deda janë dy finalistët e parë të këtij edicioni të reality show-t, ndërkohë të shtunën do të mësohet se kush nga 4 banorët e tjerë do të shkojnë në finalen e madhe. Publiku do të zgjedhë mes Meriton Mjekiqit, Heidi Bacit, Egla Cenos dhe Françeska Muratit.
Teksa po fliste për Eglën, Anaidi u shpreh se banorja ‘nuk është lëpirë dhe nuk është përulur në asnjë rast askujt’.
Egla është një grua revolucionare, e cila sipas mendimit tim, ka aktruar si një lojtare shumë e mirë e asaj shtëpie që nga dita 1. Unë nuk pretendoj që Egla është kjo që është brenda shtëpisë edhe jashtë shtëpisë. Ajo ka zgjedhur këtë rol në një shoqëri ku burrat e kanë mbytur vazhdimisht dhe prej vitesh pozicionin e femrës dhe të gruas, me të gjitha format. Një koketë, një femër pak ‘gangsta’. Egla nuk është lëpirë dhe nuk është përulur në asnjë rast askujt, as produksionit, që shpeshherë burrat dinë ta bëjnë më mirë. Burrat janë lëpirës më të mirë.
Ndërsa në lidhje me Julin, Anaidi tha se aktori i njohur ‘ka argument të fortë dhe qetësi olimpike në disa raste’.
Julian Deda që ka një kronologji të frikshme të një lojtari që mban mend gjithçka që ka ndodhur aty që nga dita e parë. Me një argument goxha të fortë dhe qetësi olimpike në disa raste.
