Në mënyrë të veçantë dhe plot humor, Jennifer Aniston ka uruar aktorin Pedro Pascal për 50-vjetorin e lindjes.
Aktorja e njohur ka shpërndarë një postim në llogarinë e saj në Instagram, ku ka ndarë një skeç nga revista “New Yorker”, i cili tregon një seancë psikoterapie. Në skeç, shëruesi i thotë pacientit:
Nuk është aspak e çuditshme, kohët e fundit, që shumë njerëz raportojnë se besimi i tyre te njerëzimi varet tërësisht nga fakti nëse Pedro Pascal është aq i mirë sa duket.
Jennifer Aniston ka konfirmuar këtë mendim me një mesazh personal, duke shkruar:
Unë mund ta dëshmoj këtë, ai është aq i mirë sa duket.
Aktorja ka mbyllur urimin e saj me një Gëzuar ditëlindjen PP.
Postimi i Aniston ka tërhequr vëmendjen e fansave, ndërkohë që fotot e dy aktorëve duke darkuar së bashku, kohët e fundit, kanë nxitur thashethemet për një lidhje. Sipas “Daily Mail”, Pedro Pascal dhe Jennifer Aniston kaluan mbi tre orë së bashku në restorantin “The Tower Bar” në West Hollywood.
Edhe pse mbërritën dhe u larguan veçmas, paparacët i kapën duke biseduar jashtë parkingut para se të largoheshin.
