Modelja e njohur, Gigi Hadid, ka mahnitur me format e saj në fushatën shumëngjyrëshe të markës Havaianas, ku pozoi me bikini rozë dhe pantallona të shkurtra.
Ajo ka shprehur emocionin e saj për këtë mundësi, duke thënë se të ishte ambasadore globale e Havaianas është një eksperiencë “surreale dhe nostalgjike”, duke kujtuar fëmijërinë e saj në plazh.
Në një intervistë të mëtejshme, Gigi foli edhe për lidhjen e saj me aktorin Bradley Cooper, duke e cilësuar atë një marrëdhënie “të lumtur dhe romantike”.
Ajo po ashtu theksoi se Bradley ka hapur dyer për përvoja të reja, si frekuentimi i teatrit, dhe se një lidhje e tillë nuk do të kishte mundur të ndodhte më herët në jetën e saj.
Gigi gjithashtu ndau mendimet e saj për bashkëprindërimin me ish-partnerin Zayn Malik, duke theksuar se ata planifikojnë kujdestarinë e vajzës së tyre, Khai, me muaj përpara dhe mbështesin njëri-tjetrin në çdo hap.
Pavarësisht interesit të madh publik, ajo shtoi se fokusi i tyre mbetet rritja e vajzës me respekt të ndërsjellë.
