Kritika të reja për qeverisjen e Albin Kurtit nga emisari i Donald Trump për misione speciale, Richard Grenell.
Pasi komentoi deklaratat e kryeparlamentarit Glauk Konjufca për RTK lidhur me administratën e Joe Biden dhe Barack Obama, Richard Grenell ka ngritur edhe një tjetër shqetësim për politikat e kryeministrit Albin Kurti.
Ai ka theksuar se marrëdhëniet e SHBA-së me Kosovën kanë vuajtur gjatë presidencës së Joe Biden, duke përmendur se veprimet dhe paaftësia e Kurtit për të përmirësuar ekonominë e Kosovës çuan në kritika të forta nga Departamenti i Shtetit dhe Shtëpia e Bardhë.
Grenell ka akuzuar Kurtin për zgjedhjen e grindjeve politike dhe ndërmarrjen e veprimeve të njëanshme, që sipas tij, përkeqësuan marrëdhëniet me SHBA-në dhe e çuan këtë marrëdhënie në një pikë të ulët, duke pasuar me dënime nga udhëheqësit evropianë dhe NATO.
Marrëdhëniet e SHBA-së me Kosovën vuajtën gjatë presidencës së Joe Biden. Departamenti i Shtetit i Biden dhe Shtëpia e Bardhë kritikuan veprimet dhe paaftësinë e Kurtit për të rritur ekonominë e Kosovës. Kurti zgjodhi grindjet politike dhe ndërmori veprime të njëanshme. Ai solli marrëdhëniet Kosovë-SHBA në një pikë të ulët. Ai u dënua nga udhëheqësit evropianë, NATO dhe ekipi i Joe Biden, ka shkruar Grenell.
The U.S. relationship with Kosovo suffered during Joe Biden’s presidency.
Biden’s State Department and White House criticized Kurti’s actions and inability to grow Kosovo’s economy.
Kurti picked political fights and took unilateral action. He brought Kosovo-U.S. relations to… https://t.co/63RXn8r1hH
— Richard Grenell (@RichardGrenell) January 23, 2025
Për më tepër, Grenell ka përkujtuar se Kurti mbështeti Joe Biden dhe Kamala Harris dhe megjithatë ai ishte ende i kritikuar nga ata.
Kujtojmë se Grenell akuzoi qeverisjen Kurti se “shpenzoi katër vjet duke komplimentuar Joe Biden dhe duke marrë pjesë në konventat dhe festat e tyre.”
