Nën një frymë të filmave të Agata Kristi, hijeshisë dhe gatimeve me yje Michelin, Italia synon të ringjallë eksperiencën e udhëtimit me trenë luksozë, me La Doce Vita Orient Ekspress. Koncepti është një sipërmarrje e përbashkët mes Arsenale Grup në Itali, francezes Accor dhe operatorit Italian të trenëve Treniitalia. Në bord, pasagjerët do të darkojnë me menu të krijuara nga shefi i kuzhinës Heinz Beck dhe verëra të zgjedhura në partneritet me Vintaly.
Pasagjerët e kanë përshkruar udhëtimin si të jashtëzakonshëm dhe përtej pritshmërive duke vlerësuar dekorin elegant, shërbimin e kujdesshëm ndjesinë e transportimit në një epokë tjetër. E megjithatë ky udhëtim ne kohe nuk i përballueshëm për te gjithë. Bileta nis nga 3500 euro për person për një natë dhe rritet në 12 mijë euro për itinerare më të gjata.
Këtë vit, pritja e Krishtlindjeve mund të marrë një formë krejt tjetër, më romantike, më e qetë dhe më autentike. “FS Treni Turistici Italiani” ofron një mënyrë të re për të përjetuar atmosferën festive të dhjetorit: një udhëtim me trenin e natës Espresso Monaco, që lidh Romën me tregjet më të bukura të Krishtlindjeve në Europë. Ky itinerar i veçantë, pjesë e nismës “Edizione Mercatini di Natale”, është menduar për ata që duan të përjetojnë magjinë e dimrit pa stresin e udhëtimeve ajrore apo me makinë.
Italia dhe Austria njoftuan të enjten se ka përfunduar faza e parë e ndërtimit të tunelit të Bazës së Brennerit, duke arritur në diafragmën e fundit të tunelit. Ky tunel, me gjatësi 64 kilometra, pritet të bëhet tuneli hekurudhor më i gjatë në botë, duke lidhur dy vende dhe duke përshpejtuar lidhjet mes qyteteve europiane. “Flavia”, një makinë precize e operuar nga kompania WeBuild, ka qenë përgjegjëse për gërmimin e më shumë se 14 kilometrave nën Alpe.
Projekti përfshin dy tunele paralelë që shërbejnë si galeri baze dhe tashmë po përgatitet faza e dytë e ndërtimit, përfshirë betonimin përfundimtar, sistemet e ventilimit dhe sinjalizimit. Ministri italian i Infrastrukturës, Matteo Salvini, e konsideron këtë tunel një mundësi të madhe për të përmirësuar shkëmbimet tregtare dhe lëvizjen e udhëtarëve.
