Mbrëmja e fundit në Big Brother VIP Albania ka qenë plot emocione, sidomos për Selin, e cila u duk e trishtuar pas largimit të Gimbos nga shtëpia.
Mes kësaj situate të vështirë, ajo ka marrë një mbështetje shumë të fortë nga jashtë. Vëllai i saj, DJ Onno, ka reaguar menjëherë në rrjetet sociale me një mesazh që preku shumë ndjekësit.
Përmes një postimi në InstaStory, ai e quajti motrën e tij “mbretëreshën e vetme” dhe fituesen e vërtetë të këtij edicioni, duke theksuar se forca e saj qëndron tek qetësia dhe qëndrueshmëria që ka treguar çdo ditë brenda shtëpisë.
Ka vetëm një mbretëreshë! E vetmja që meriton fitoren, mundohuni sa të doni, por ajo kurrë nuk do të bjerë poshtë
-shkroi ai.
Ai shtoi se Selin përfaqëson dinjitet dhe guxim, duke theksuar se karakteri është më i rëndësishëm se çdo konflikt apo intrigë brenda lojës.
Në fund, mesazhi i tij u bë edhe më personal dhe prekës:
Selin nuk është thjesht një konkurrente… ajo është arsyeja pse kjo lojë ka kuptim. Të dua dhe do të të dua gjithë jetën.
