Një numër gjithnjë e më të madh studimesh konfirmon se kjo mund të ndikojë negativisht në shëndetin tuaj.
Përpara se të keni mundësinë të zgjoheni natyralisht, kontrollimi i lajmeve, email-eve apo mediave sociale mund t’ju përmbytë menjëherë me informacion, duke shpenzuar energji dhe përkeqësuar humorin tuaj që në fillim të ditës.
Hulumtimet psikologjike tregojnë se ekspozimi ndaj përmbajtjeve negative herët mund të ulë produktivitetin, kreativitetin dhe vetëbesimin.
Ndonëse mund të duket si diçka e zakonshme, kontrollimi i telefonit menjëherë sapo zgjoheni mund të bëhet një zakon i dëmshëm. Terapistja Maris Loeffler thekson se ekspozimi ndaj dritës natyrore është një mënyrë më e shëndetshme për të nisur ditën.
Përdorimi i telefonit në mëngjes mund të ndikojë në ritmin tuaj biologjik, ashtu siç ndodh kur përdoret para gjumit. Hulumtimet nga Universiteti i Salzburgut kanë treguar se drita e ekranit mund të dëmtojë proceset natyrore të zgjimit, duke ndikuar negativisht në cilësinë e gjumit.
Tingulli i alarmit të telefonit mund të shkaktojë një rritje të papritur të presionit të gjakut, duke rritur kështu rrezikun e problemeve kardiovaskulare, sipas një studimi të Universitetit të Virxhinias. Ekspertët sugjerojnë përdorimin e tingujve më të butë ose të dritës natyrore për të filluar ditën më pa stres.
Shikimi i ekranit të telefonit, sidomos në mëngjes kur ndodheni në dritë të ulët, mund të shkaktojë lodhje të syve, paralajmërojnë ekspertët nga Shoqata Optometrike Amerikane.
Për një fillim më të shëndetshëm të ditës, provoni të merrni ajër të pastër, të shijoni një mëngjes të shëndetshëm ose të kaloni disa minuta pa shikuar ekranin.
