Kim Kardashian është përballur me kritika të ashpra pas publikimit të një videoje në të cilën ajo shfaqet duke kërcyer me vajzën e saj, North West, e cila është vetëm 11 vjeçe.
Në videon e shpërndarë në rrjetet sociale, Kim është veshur me një fustan të gjatë me printe gjarpri, ndërsa North kishte zgjedhur një veshje që përfshinte një korse të bardhë me kravatë, një xhaketë të shkurtër të zezë, një fund të shkurtër dhe çizme të larta, duke kërcyer me hitin e Ariana Grande, “Santa Tell Me”.
Megjithëse videoja mund të ketë pasur qëllimin e argëtimit, shumë ndjekës kanë shprehur shqetësim për veshjen dhe sjelljen e North.
Komentuesit kanë theksuar se veshja e fëmijës është shumë e avancuar për moshën e saj, duke e përshkruar atë si të papërshtatshme dhe duke sugjeruar se ajo duket më shumë si një e rritur se sa një vajzë 11-vjeçare.
Shumë përdorues në rrjetet sociale kanë shprehur brengën se kjo mund të ketë një ndikim të dëmshëm për zhvillimin e saj, duke paralajmëruar për rrezikun e seksualizimit të fëmijëve në media.
Një komentues shkroi:
North është vetëm 11 vjeç. Kim Kardashian duket se ka filluar ta ‘transformojë’. Është shqetësuese të shohësh këtë lloj sjelljeje, veçanërisht kur flitet për mbrojtjen e fëmijëve.
Ndërkohë, disa komente të tjera ishin më të drejtpërdrejta, duke thënë:
Nuk është e përshtatshme që një fëmijë të veshë një fund kaq të shkurtër… Mos e seksualizoni fëmijën tuaj. Kjo është shqetësuese dhe trishtuese.
Kritikët kanë ngritur dyshime në lidhje me pasojat që mund të ketë ky lloj sjelljeje për North, duke argumentuar se ajo duket të jetë para kohe e rritur, në vend që të shfaqet si një fëmijë e natyrshme për moshën e saj.
