Një startup hapësinor synon të ndërtojë hotelin e parë ndonjëherë në Hënë, duke e kthyer turizmin hapësinor në realitet. Projekti parashikon përdorimin e robotëve për të shndërruar tokën hënore në materiale ndërtimi, pa transport nga Toka. Hoteli do të ndërtohet me module të qëndrueshme ndaj kushteve ekstreme të Hënës. Aplikimet për qëndrime tashmë kanë nisur, me depozita që shkojnë deri në 1 milion dollarë.
Ndërtimi mund të nisë në vitin 2029, nëse merren të gjitha miratimet rregullatore. Hapja për vizitorët është planifikuar për vitin 2032, në përputhje me planet e NASA-s për një prani të përhershme në Hënë. Projekti shihet si hapi i parë drejt ekonomisë së re hapësinore dhe jetesës jashtë Tokës.
Misione të reja në Hënë dhe Mars, së bashku me zbulimin e pritur të planetëve të ngjashëm me Tokën dhe rezultatet e një prove që synon identifikimin e 50 llojeve të kancerit përmes analizës së gjakut dhe një projekt kinez për të shpuar 11 kilometra në koren e Tokës për të arritur mantelin e saj. Shkenca e vitit 2026 është plot premtime, sipas një analize të publikuar në faqen e internetit të revistës ”Nature”. Misioni ”Artemis II” është planifikuar jo më herët se shkurti 2026.
50 vjet pas misioneve ”Apollo”, ai do të transportojë katër astronautë në orbitën hënore për 10 ditë në bordin e anijes kozmike ”Orion”. Hëna është gjithashtu objektivi i misionit kinez ”Chang’e-7”, i cili synon të arrijë polin jugor hënor në gusht, duke u ulur atje për të kërkuar akull uji dhe për të studiuar tërmetet hënore. Ndërkohë, Japonia po synon dy hënat e Marsit, ndërsa përgatitet të nisë misionin ”Martian Moons eXploration” (MMX) për të vizituar hënat Phobos dhe Deimos, duke sjellë mostra përsëri në Tokë.
