Lisa Kudrow ka rrëfyer një eksperiencë personale nga fillimet e mëmësisë, duke pranuar se rikthimi në punë vetëm 10 ditë pas lindjes së djalit të saj ishte një vendim i nxituar dhe i gabuar.
Aktorja kujtoi se gjatë xhirimeve të filmit “Analyze This”, i ishte thënë se puna do të fillonte më vonë gjatë verës, por në fakt u detyrua të udhëtonte në New York shumë më herët për skenat e saj.
Kudrow shpjegoi se, edhe pse nuk ndjente se ishte momenti i duhur pas lindjes, të gjithë rreth saj, përfshirë agjentin dhe familjarët, e bindën se mund ta përballonte. Madje, i ishte ofruar ndihmë për kujdesin e foshnjës, duke i thënë se gjithçka do të shkonte mirë.
Duke parë pas, aktorja e përshkruan atë zgjedhje si “të çmendur” dhe thekson se nuk do ta bënte kurrë përsëri, duke nënvizuar vështirësinë e balancimit të punës me kujdesin për një të porsalindur.
Së fundmi, Lisa u shfaq në tapetin e kuq së bashku me bashkëshortin dhe djalin e saj, i cili tashmë ndjek hapat e saj në industrinë e aktrimit.
