Volodymyr Zelensky ka thënë se një armëpushim me Rusinë është i mundur në çdo moment.
Duke folur në një konferencë të përbashkët për shtyp në Pragë së bashku me presidentin çek Petr Pavel, presidenti ukrainas tha gjithashtu se Kivei shpreson të marrë 1.8 milion predha në vitin 2025 në kuadër të një iniciative çeke për të ofruar ndihmë ushtarake.
Kujtojmë se lideri rus, Vladimir Putin të hënën shpalli një armëpushim tre-ditor për të shënuar 80-vjetorin e fitores së Bashkimit Sovjetik dhe aleatëve të tij mbi Gjermaninë naziste në Luftën e Dytë Botërore.
Armëpushimi 72-orësh do të hyjë në fuqi kur Putini të presë udhëheqës ndërkombëtarë në Sheshin e Kuq të Moskës, përfshirë Presidentin kinez Xi Jinping.
Duke iu përgjigjur ofertës, Zelensky tha se ishte gati për sa kohë që armëpushimi do të zgjaste 30 ditë.
Presidenti i Ukrainës, Volodymyr Zelensky do të vizitojë sot Republikën Çeke për t’u takuar me homologun e tij Petr Pavel.
Qeveria çeke ka qenë një mbështetëse e fortë e Kievit që kur Rusia pushtoi Ukrainën në vitin 2022 dhe ka udhëhequr një iniciativë për të furnizuar Ukrainën me municione të kalibrit të madh që kanë sjellë më shumë se një milion predha.
Sipas kësaj iniciative, çekët kanë përdorur ekspertizën e tyre diplomatike, të biznesit dhe industrisë për të gjetur municione të kalibrit të madh në të gjithë botën dhe për t’i dërguar ato në Ukrainë me financim nga aleatët e NATO-s.
