Ish-finalisti i Big Brother VIP 3, Meriton Mjekiqi, ishte i ftuar sot në emisionin “Goca dhe Gra” në Top Channel, por nuk pranoi të komentonte marrëdhënien e tij të kaluar me Ilnisa Agollin.
Pas transmetimit, Ilnisa reagoi në Instagram me një postim ku shkroi:
Ëndrrat e një nate vere, nuk zgjasin netëve të dimrit
–duke tërhequr menjëherë vëmendjen e publikut dhe duke nxitur spekulime të reja rreth ish-banorëve.
Gazetarët e kontaktuan Ilnisën për të sqaruar qëllimin e postimit, dhe ajo deklaroi:
Ky status ishte fare i qartë që historia ka përfunduar para një viti. Nuk ka nevojë për koment. Për herë të parë nuk isha subjekt i një teme që nga portalet fryhet dhe kamuflohet.
Kur u pyet nëse është penduar për lidhjen, Ilnisa u shpreh me vendosmëri:
Nuk shquhem si njeri që pendohem.
