Këngëtarja e njohur Miley Cyrus ka ndarë mendimet e saj rreth marrëdhënies me partnerin e saj të ri, Max Morado, në një intervistë për Harper’s Bazaar. Ajo ka folur për diferencën në moshë prej gjashtë vjetësh mes tyre dhe për perspektivat e ndryshme që kanë për jetën.
Miley, 32 vjeç, ka thënë se Max e sheh jetën shumë ndryshe nga ajo, por shtoi se ata të dy e kanë një qasje të ngjashme ndaj jetës:
Ai e sheh jetën shumë ndryshe nga unë… Ai më ngjan shumë. Ne të dy nuk e marrim jetën shumë seriozisht.
Këngëtarja gjithashtu ka komentuar bashkëpunimin e tyre në këngën “Something Beautiful”, pjesë e albumit të saj të ardhshëm, që pritet të publikohet në 2025.
Miley ka treguar gjithashtu se gjithmonë ka punuar me njerëzit që do, duke përmendur se edhe babai i saj dhe ish-bashkëshorti Liam Hemsworth kanë qenë pjesë e projekteve të saj muzikore.
Max më frymëzon kaq shumë
– ka shtuar ajo për partnerin e saj.
Në lidhje me përdorimin e rrjeteve sociale, Miley ka pranuar se është e vështirë të bësh karrierë në muzikë tani, duke pasur parasysh ndikimin e telefonave dhe Instagram-it. Ajo theksoi se nuk është pjesë e kësaj bote dhe nuk ka as fjalëkalimin e Instagram-it.
