Millie Bobby Brown, një nga yjet më të njohura të industrisë së argëtimit, ka shpërndarë një deklaratë fuqishme përmes Instagramit të saj, duke u shprehur mbi kritikat që ka marrë për pamjen e saj fizike dhe procesin e saj të rritjes profesionale.
Aktorja, e cila bëri debutimin e saj të madh në serialin “Stranger Things” kur ishte vetëm 12 vjeç, ka thënë se është lodhur nga ngacmimet që ndjekësit e bëjnë për dukjen e saj dhe ka theksuar se kjo sjellje nuk është thjesht një formë gazetarie, por një formë ngacmimi.
Në postimin e saj, Brown u shpreh se është rritur para syve të publikut që, për shumë, e shohin si personazhin e saj në sezonin e parë të “Stranger Things”, duke e vështirësuar faktin që ajo ka evoluar si individ. Ajo theksoi se ka kaluar nga fëmijë në grua dhe se, për disa, ky proces është i papranueshëm. Aktorja kritikoi mediat, duke i akuzuar se po shpenzojnë kohë për të analizuar trupin dhe vendimet e saj personale, dhe këtë e quajti shqetësuese, veçanërisht kur disa nga këto artikuj shkruhen nga gra.
Brown e përfundoi mesazhin e saj duke thënë se nuk do të kërkojë falje për të qenë ajo që është dhe se refuzon të përshtatet me pritshmëritë e papërputhshme të publikut. Ajo shprehu mbështetje për të gjitha gratë e reja që po kalojnë të njëjtën përvojë dhe i inkurajoi ato të mos turpërohen për mënyrën se si duket apo si rriten.
