Elena Ora, motra e këngëtares së njohur Rita Ora, ka zgjedhur Ulqinin si destinacionin e saj për pushimet e para verore. Ajo ka ndarë me ndjekësit në Instagram disa momente të qeta dhe të këndshme nga qëndrimi i saj në lumin Buna, në zonën e njohur Ada Bojana.
Në fotot e publikuara, Elena shfaqet e buzëqeshur dhe në formë të mirë, ndërsa po relaksohet pranë ujit. Me një stil të thjeshtë, por tërheqës, ajo ka tërhequr vëmendjen e ndjekësve me paraqitjen e saj natyrale në veshje plazhi dhe ambientin e qetë që e rrethon.
“Ishte një udhëtim Ballkanik, bejb”, ka shkruar ajo krahas fotove, duke lënë të kuptohet se Ulqini është një prej ndalesave në itinerarin e saj veror në rajon.
Elena, përveçse është pjesë e afërt e jetës familjare të Ritës, ka edhe një rol kyç profesional si menaxhere e saj. Megjithatë, ajo ka treguar se di të gjejë kohë për veten, duke shijuar natyrën dhe relaksin larg angazhimeve të përditshme.
Postimi i saj ka marrë reagime të shumta pozitive, ku ndjekësit e kanë komplimentuar për paraqitjen dhe kanë shprehur dëshirën për të vizituar vendin piktoresk ku ndodhet. Ada Bojana, e njohur për bukurinë e saj natyrore dhe ujërat e kristaltë, duket se ka qenë zgjedhje e përkryer për pushimet e Elenës.
