Bota e muzikës dhe e kërcimit është tronditur nga lajmi se koreografi i famshëm Paul Roberts ndërroi jetë më 26 shtator 2025, në moshën 52-vjeçare, pas një beteje të gjatë me kancer.
Familja dhe rrethi i tij i afërt konfirmuan lajmin, duke e përshkruar Roberts si një njeri të jashtëzakonshëm dhe një shpirt kreativ që ndikoi në industrinë e muzikës globale.
Roberts punoi me disa nga grupet më të njohura, përfshirë “Spice Girls” dhe “One Direction”, dhe fitoi një MTV VMA për bashkëpunimin e tij me Harry Styles.
Familja ndau një mesazh prekës në rrjetet sociale:
Më 26 shtator 2025, pas një beteje me kancerin, Paul ndërroi jetë në shtëpi, i rrethuar nga familja.
Mesazhe ngushëllimi kanë vërshuar nga kolegët dhe miqtë. Sam Smith shkroi:
Kjo është e tmerrshme. Zemra ime është me familjen dhe miqtë e Paulit në këtë moment të vështirë. Paul ishte një dritë në këtë botë. Nuk do ta harroj kurrë mirësinë dhe shkëlqimin e tij.
Edhe grupi “Spice Girls” i kushtoi një dedikim të veçantë:
Ai ishte pjesë integrale e turneut tonë të vitit 2019. Kreativiteti, pasioni dhe gëzimi për jetën ishin të dukshëm gjatë gjithë shfaqjeve tona. Përveç talentit të jashtëzakonshëm, Paul ishte një person i mrekullueshëm. Ai shpërndante lumturi dhe pozitivitet.
Familja dhe miqtë do të kujtojnë gjithmonë ndikimin e madh të Roberts në botën e muzikës dhe të kërcimit, si dhe dashurinë dhe energjinë që ai shpërndante përreth.
