Disa ndryshime janë bërë në zinxhirin komandues në sistemin e burgjeve. Lëvizje raportohet në burgun e Fushë Krujës dhe të Durrësit.
Më konkretisht në Fushë Krujë drejtues është emëruar Ervis Dedej, duke zëvendësuar Apostol Lucën. Ndërkohë shef i policisë në IEVP është emëruar kryekomisar Fatjon Sadikaj.
Sa i përket burgut të Durrësit, në krye është emëruar Serjan Mazrreku pasi Edmond Llabani ndërro jetë ditë më parë. Shef i Policisë në këtë IEVP është emëruar kryekomisar Florian Masha.
Njoftimi i plote:
Në kuadër të rritjes së sigurisë dhe përmirësimit të menaxhimit në sistemin penitenciar, janë ndërmarrë ndryshime në drejtimin e disa Institucioneve të Ekzekutimit të Vendimeve Penale.
Në IEVP Fushë-Krujë është riorganizuar zinxhiri komandues, duke u liruar nga detyra drejtori Apostol Luca. Në këtë detyrë është emëruar z. Ervis Dedej, me eksperiencë të gjatë në sistemin e burgjeve. Gjithashtu, Shef i Policisë është emëruar kryekomisar Fatjon Sadikaj, me mbi 20 vite përvojë në Policinë e Burgjeve.
Ndërkohë, në IEVP Durrës është emëruar drejtor z. Serjan Mazrreku, me eksperiencë në administratë dhe në fushën ligjore, si dhe Shef i Policisë kryekomisar Florian Masha, me karrierë të gjatë në radhët e Policisë së Shtetit.
Këto lëvizje synojnë forcimin e përgjegjshmërisë, rritjen e kontrollit dhe vendosjen e standardeve më të larta në funksionimin e institucioneve penitenciare.
