Kush e di nëse Lupinët e rinj që vodhën xhevahiret e Napoleonit nga Luvri u frymëzuan disi nga seriali televiziv që ringjalli mitin e hajdutit zotëri. Në të vërtetë, një nga skenat e para në Lupin zhvillohet në muzeun parizien: protagonisti, Assane Diop, i luajtur nga magnetiku Omar Sy, zbaton planin e tij për të vjedhur një gjerdan të çmuar diamanti që i përkiste Mbretëreshës Marie Antoinette, i njëjti xhevahir për të cilin babai i tij ishte akuzuar gabimisht se e kishte vjedhur 25 vjet më parë.
Vjedhje të këtyre përmasave, shpesh kan frymëzur kinemanë e televizionin
Veza e Kurorëzimit, ekspozuar në Galerinë e Artit Modern në Romë, është shënjestra e bandës së Danny Ocean (George Clooney) në filmin Ocean’s Twelve (2004) të Steven Soderbergh.
Joshja legjendare shtrihet edhe te Sean Connery, i njohur si Mac, hajduti shumë i aftë i veprave të artit në filmin Entrapment (1999) të Jon Amiel, me protagoniste Catherine Zeta-Jones si detektive e sigurimeve që hiqet si hajdute për ta futur në kurth e përgatit me të grabitjen e një maske kineze me vlerë të paçmuar nga Bedford Palace në New York.
Kinemaja shpesh është marrë me vjedhjet e jetës reale, siç është ajo e famshme e Mona Lisës, e përshkruar në disa filma si “Hajduti i Mona Lisës” (1966) i Michel Deville, filmi i shkurtër “Une Bouffée d’Air” (2022) nga regjisori italian Federico Caria e madje edhe në dramën televizive “Il rubato della Gioconda”, e rindërtuar në vitin 1978 nga Renato Castellani në tre episode, me protagonistë Enzo Cerusico, Renzo Palmer, Bruno Cirino dhe Michele Mirabella.
Në vitin 1994, gjatë Lojërave Olimpike Dimërore në Norvegji, vjedhja e veprës “Britma” e Edvard Munch tronditi botën e artit. Një grabitje e guximshme dhe teatrale, e transformoi një krim të thjeshtë në një gjueti për hajdutin e denjë për një thriller: një skenë e rrëfyer në dokumentarin “Britma e Madhe” e Munch-it, i drejtuar në vitin 2024 nga Sunshine Jackson dhe Nigel Levy.
